ـآلسلآإم عليكمـ ورحمـ ـة الله وبركآإته....
يآيبلكمـ كلمآت من آغآإني الفنآإن الكبيير ميحـ ـد حمـ ـد..
وآإنشآء الله تعيبكمـ..
لو تفرق بيننا سود الليالي لو يحول الدهر وصروف السنينا
لا حشا منساك لو طال المطالي ف الحشا مطبوع رسمك يالضنينا
انته عمري يالغلى من كل غالي وانت شوقي يامنا قلبي الحزينا
العمر يفداك مع حالي ومالي في هواك يهون كل صعب مهينا
لو جفوني الناس واقرب الاهالي ماستمع قول الحسود الواشينا
حيث قصرك فالحشا شامخ وعالي ساكن ودك بقلبي مستكينا
ياغناتي ياشقا قلبي وحالي يادوايه وبلسم الجرح الدفينا
ياغزال مرتعه روس المفالي ياقمر وضاح في نوره يبينا
عالوفا باقي وعنك هوبسالي لك عهد والعهد عندي مايشينا
لاتظن انساك يالغالي محالي لين روحي والعمر عندي يحينا
لين جسمي يندفن تحت الرمالي وارتحل من دنيتي واصبح دفينا
لك سلامي يالضنا ختم المقالي عد ما نسنس هوا الغربي زفينا
كم عنيت وجيت متوله
مقصدي ياشيخ روياكم
ما حصل لي حده في الحله
يخبرنيه وين سكناكم
باعني لو كنت ما دله
ما اتحمل طول فرقاكم
ليت عندي رقم بسجله
تيلفون اقراه وانصاكم
يا اديب العصر لك حله
ما حلت داري ابلياكم
لك محل بالقلب ما خله
من قبلكم حد شرواكم
كم فضل كم جود لك كله
ما نسينا طيب حسناكم
من معادن جود واهل له
لا خلينا من مزاياكم
انتم اهل له وفضل له
الصخا من يوم منشاكم
لو يطول البحث ما مله
في الادب والشعر هوياكم
كم قول قلت في حله
من معاني الشعر يعناكم
انتم اهل الدار والحله
كم حوت من خير دنياكم
ذا يواب امحب متوله
يملكه الاحسان لي ياكم
يشكر الله ثم شكر له
مثلما قبله شكرناكم
ما دريت اني بحبك مادريت
لين شفتك وانشغل قلبي بحبك
اوماعرفت اني على دربك مشيت
غير لما تاه قلبي وسط دربك
من هويت امن العلالي لك هويت
مثل طير صابتهنيران حربك
لا تعذبني من الود اكتويت
اوما اريد الا اعيش العمر جنبك
من نظرتك اول النظرة ابتليت
اولي بلاني هو ذنبي اهو ذنبك
غصب عني في محبتكم بديت
خذ قلبي وحطني في وسط قلبك
يافريد الحسن مثلك مارايت
اوماخلق شرواك في هالكون ربك
نور ياضي من جبينك لي بديت
والليالي في دياجيها اسفرت بك
ياكبر حظي متى عني رضيت
والسعادة تكتمل عندي بقربك
حالف ما انساه فضلك ما حييت
والحياة ابلا طعم يا غر عقبك
تمنيتك اتشوف الجرح الاول
قبل تجرح فؤادي جرح ثاني
غيابك عن عيوني ليه طول
وانا اعد الدقايق والثواني
حبيبي من نظر حالي تهول
ولا ركز علي اترك مكاني
الاول ليه بغيابك اتحول
وقلبك ليه يا عمرى نساني
تجول حبك بقلبي تجول
سري بعروق قلبي وبكياني
علي عهد معاك القلب مول
سنين العمر باخلاص وتفاني
عقب عزه معاك الحظ معاك حول
شكيت الحال من قسوة زماني
الى شفتك ابا اشرحلك من الاول
عن ظروفي وعن خافي حناني
علي شاشة عيوني اللي زول
خيالك ما عطي عيني الظماني
تمنيتك اتشوف الجرح الاول
قبل تجرح فؤادي جرح ثاني
اسمعت في الهاتف ولا ريت
صوت يصحى عوق واسقام
سلم وبادرني وحييت
يا سعد جظي والبخت قام
يا ريم من شوفك اتبهيت
ومنادمة صوتك والانغام
الكم مثل حبي فلا ريت
ساطي وسط روحي والانسام
وانا مطيع الكم وذليت
طوع المعانس قود لخطام
يا سيد غالي لو تغليت
دايم غلاكم زد لانام
لعصير لمسيان لاقيت
اللي عليه وصوف لريام
ان ياك الا صوبهم ييت
سلم وبلغ نسل لكرام
جداوه درب الوصل ما ريت
وانا عليهم شفج م العام
ما ينفع الماخوذ ياليت
ولا تسعف المظلوم ظلام
ياما صبرت وكم تمنيت
والوصل دونه طول ودام
قصدك جفا ولا تناسيت
والا بحكمي ناوي اعدام
ليت للحب قاضي قبل يوم الحساب
وانتطالب معاكم حق وانته الطليب
حالت الصبر دونك في كدر واكتئاب
وان تواجد وجودك كل جرح يطيب
لا تعاتب محب ما يحمل العتاب
ولا تجني ع خل وانته اغلى حبيب
اتحملت نظره من سهوم الحراب
ارحم الي يحبك قبل وقت المشيب
ربت على محبك بين برق وسحاب
ولك تعطف فؤادي مثل غصن الرطيب
يا شبيه اليوازي معتلات الهضاب
فوق روس النوايد والمياه الصبيب
ضايق في زمانك ناكشات الخضاب
باهيات المحاسن ناشلات السبيب
ما يكفي بوصفك لو بدون كتاب
هاجس الشعر يتعب والمشاعر تغيب
الهوا بالتراضي والزعل له اسباب
من تسرع بحكمه محتمل ما يصيب
وهآآآآآي عآآآآآآآآآآآآد اهدآآآآآآآآآآآآآآآآآآء خآآآآآآآآآآآآآآآآآآآآآآآآآآآآآآآآص
سحرني بالعيون السود عيون سود جتاله
وهدايب مثل صف جنود حشود صف وتلاله
واذا هبت نسايم نود يزيد الشوق عن ماله
يزيد الشوق بدون حدود واذكر يوم لقياله
حبيباً لدني بصدود وصده طال مواله
جميلاً وفي جماله زود جمال ما احد شاله
بلون ورود فوق خدود شرى البراق شعاله
وخصرٍ هايف مجلود ويدايل سمر مياله
بيوفي يشتعل الوقود وقلبي من العنى ذاله
خياله دايما موجود بعيني دوم منزاله
اشوفه والعباد رقود واهني العين بجباله
ولو كان اللقى محدود خيالي يمر بخياله
واقول اليوم انا موعود بدون وعود واعناله
على محب نسى له عهود قطع من خل اوفى له
ولومي حد يدق العود وقولاً حلوه امثاله
وتستطرب لصوته خود غيوم البر يفاله
شاقـنـي لـحــن الـحـمـام
لي على الاغصان شادي
مـــن سمـعـتـه يــاســلام
كيف يلعـي مـن لـودادي
لـــي ايــغــرد بـانـتـظـام
فــي الـحـونـه للـعـبـادي
مـسـهـرنـي مــــا انــــام
معـلـنـا عـنــدي الـحــداد
زادبـــي كـثــر الـغــرام
لين قمت والعـي وانـادي
اسـعـفــونــي يـــاكـــرام
لــو خـذونـي لـلـمـزادي
مستصيـب فــي العـظـام
ماتـهـنـي بــــذوق زادي
صـار جسمـي كالحطـام
والسبـب كـثـر العـنـادي
لـــو حكـمـنـي بـالـعــدام
اهــون مــن الابـتـعـادي
هـــو ملـكـنـي بـالـزمـام
منيتـي اوغـايـة مــرادي
جــــاوب اورد الــكــلام
ياملـيـكـا فـــي فــــوادي
لا تـعـذبــنــي حــــــرام
واتـعـمـد فــــي نــفــادي
حبك سباني يالحبيب
و قلبي سبيته في هواك
خليتني العي صويب
و عني انقطع حتى نباك
انت امرضي و انت الطبيب
اصح من لمسة يداك
عوقي يلي بي ما يطيب
الا برشفه من لماك
ادعوا عسى لي تستجيب
دعوة غريمٍ له يباك
لي فيك ظني ما يخيب
و لا خاب ظني في رجاك
روياك عني ما تغيب
في القرب و لا في نواك
دومي انا لوصلك طليب
اسعي مجدٍ في لقاك
دمعي على خدي صبيب
سال و يرى و اسقى فلاك
لين الفلا آزم عشيب
و ارتاح به لي في ذراك
يا ذا الحبيب اللي نجيب
عندي رفيعٍ مستواك
مكتوب لي فال و نصيب
زد الخلايق و اقرباك
ساعه غفل عنك الرقيب
يالخل لي فايع صباك
بتشوفني اقرب قريب
حتى تفن اليه ادعواك
والسموووووووووووووووووحه عالقصوووور
الخميس يناير 31, 2008 1:08 pm
